Алғыс айту күні – ізгілік пен мейірім мерекесі!
Алғыс айту күні орай Түркістан облысы, Төлеби ауданының білім бөліміне қарасты Жаңажол жалпы білім беретін мектебінің оқушылары табиғатқа қамқорлық танытып, құстарға арнап ұя жасап, ағаштарға ілді.
Бұл игі іс – қоршаған ортаға деген сүйіспеншіліктің, кіші достарымызға деген жанашырлықтың жарқын көрінісі. Құстар – табиғаттың ажары, ал оларға қамқор болу – баршамыздың ортақ міндетіміз.
Оқушылардың еңбегі арқылы айналамыз мейірім мен жылылыққа бөленді. Жасалған әрбір жақсылық елге береке, жүрекке қуаныш сыйласын!
Баршаңызды Алғыс айту күнімен құттықтаймыз!
