Жеңістің 81 жыл толуына арналған дене шынықтыру апталығы
Ұлы Жеңістің 81 жылдығына орай мектебімізде дене шынықтыру пәнінің апталығы ұйымдастырылуда. Бұл апталықтың негізгі мақсаты – оқушыларды салауатты өмір салтын ұстануға тәрбиелеу, спортқа деген қызығушылығын арттыру және Отанға деген патриоттық сезімдерін нығайту.
Апталық барысында түрлі спорттық жарыстар, эстафеталар, ұлттық ойындар және қызықты сайыстар өткізіледі.Сонымен қатар дене шынықтыру және АӘТД пәні мұғалімдері ашық сабақ өткізді. Әрбір оқушы өз шеберлігін көрсетіп, белсенділік танытып, достық пен бірліктің маңызын сезінеді.
Ұлы Жеңіс – ата-бабаларымыздың ерлігі мен батырлығының айқын дәлелі. Сол ерлікті ұлықтай отырып, жас ұрпақтың бойына қайсарлық, төзімділік, жігерлілік қасиеттерін сіңіру – біздің басты міндетіміз.Жеңіске жеткен сыныптар мен белсене қатысқан оқушылар марапатталды.
Барша қатысушыларға сәттілік тілейміз! Спорт – денсаулық кепілі, ал дені сау ұрпақ – ел болашағы!
