Түркістан облысы, Төлеби ауданының білім бөліміне қарасты Жаңажол жалпы білім беретін мектебінде Түркістан облысы прокуратурасының 2026жылғы 2 ақпандағы №2-12-26-01280 хатына сәйкес «ДРОП» қысқаметражды фильмі мектеп оқушыларына көрсетілді.
Аталған фильмді көрсету жұмыстары оқушылар арасында құқықтық сауаттылықты арттыру, заң талаптарын сақтау, қоғамдағы жағымсыз әрекеттердің алдын алу және жасөспірімдерге теріс ықпал ететін қауіп-қатерлер туралы түсінік қалыптастыру мақсатында ұйымдастырылды.
Фильм барысында оқушылар интернет-алаяқтық, заңсыз әрекеттердің салдары және жеке қауіпсіздік мәселелері бойынша маңызды ақпарат алды. Көрсетілімнен кейін оқушылармен түсіндірме жұмыстары жүргізіліп, пікір алмасу ұйымдастырылды.
Іс-шараға мектептің оқушылары белсенді қатысып, фильм мазмұны бойынша өз ой-пікірлерін білдірді. Көрсетілім тәрбиелік мәні жоғары, оқушылар үшін пайдалы болды.
